Беларусь абвесціла імаверную пераможцу выбараў 2020 года Святлану Ціханоўскую ў міждзяржаўны вышук паводле часткі 3 артыкулу 361 «заклікі да звяржэння канстытуцыйнага ладу», паведамілі расейскія медыі са спасылкаю на МУС Расеі.
13 кастрычніка экс-кандыдатка у прэзідэнты Святлана Ціханоўская выставіла Аляксандру Лукашэнку «народны ультыматум» – папярэдзіла пра агульнанацыянальную забастоўку і татальным локдаун гарадской інфраструктуры сіламі пратэстоўцаў.
Патрабаванняў высунула тры:
- Лукашэнка павінен сысці,
- гвалт на вуліцах павінен цалкам спыніцца,
- палітвязні павінныя выйсці на волю.
«Калі да 25 кастрычніка нашыя патрабаванні не будуць выкананыя, уся краіна мірна выйдзе на вуліцы з Народным ультыматумам. І 26 кастрычніка пачнецца нацыянальная забастоўка на ўсіх прадпрыемствах, блакаванне ўсіх дарог, абвал продажаў у дзяржаўных крамах. У вас ёсць 13 дзён, каб выканаць тры ўмовы. У нас ёсць 13 дзён, каб падрыхтавацца, і ўвесь гэты час беларусы будуць працягваць свой мірны і настойлівы пратэст».
Беларусь мацнейшая, чым рэжым, – рэзюмавала Ціханоўская. «Раз вы чакалі загаду – то вось загад», – дадала.
У вышук у Расеі Святлану Ціханоўскую абвесцілі яшчэ 7 кастрычніка. Следчы камітэт Беларусі пацвердзіў, што Ціханоўская знаходзіцца ў вышуку.
ЮЦ Belsat.eu
