Сваякі дагэтуль не могуць даведацца, дзе журналіст Ігар Ільяш

Журналіст «Белсату» Ігар Ільяш. Фота: ДД / belsat.euзатрыма

Дагэтуль невядома, дзе знаходзіцца затрыманы яшчэ ў аўторак журналіст «Белсату» Ігар Ільяш.

25 лістапада суд Цэнтральнага раёну прысудзіў Ігару Ільяшу 15 содняў нібыта за ўдзел у пікетаванні 26 кастрычніка. Хоць на самой справе Ігар не прымаў удзелу ў пікеце і нават не асвятляў яго ў якасці журналіста.

Сёння ад 6:00 сваякі дзяжурылі каля ЦІП і ІЧУ на Акрэсціна, каб перадаць асабістыя рэчы Ігару. Аднак у спісах яго там не было, рэчы не прынялі.

Няма ў спісах Ігара Ільяша таксама і ў ІЧУ Жодзіна, Баранавічаў і Магілёва. Па тэлефоне 102 родным таксама не кажуць, дзе ён знаходзіцца.

Сваякі чакалі з шостай раніцы, каб зрабіць перадачу журналісту Ігару Ільяшу, але яго не знайшлі

  • Журналісту «Белсату» Ігару Ільяшу прысудзілі 15 содняў нібыта за ўдзел у пікетаванні 26 кастрычніка.
  • Жонку Ігара Ільяша, Кацярыну Андрэеву, затрымалі 15 лістапада за стрым на плошчы Пераменаў. Ёй выставілі абвінавачанне ў арганізацыі дзеянняў, якія груба парушаюць грамадскі парадак (арт. 342 КК).
  • 24 лістапада Кацярыну Андрэеву праваабаронцы прызналі палітзняволенай.
  • Паводле падлікаў Беларускай асацыяцыі журналістаў, за час выбараў і поствыбарчы перыяд ахвярамі пераследу сталі 390 журналістаў, 77 з якіх прайшлі праз адміністратыўны арышт.

belsat.eu

Hавiны