Сёння стала вядома, паводле якога артыкулу абвінавачваюць нашую каляжанку Дар’ю Чульцову. Аператарку «Белсату» затрымалі 15 лістапада разам з Кацярынай Андрэевай, яны працавалі над стрымам з плошчы Пераменаў.
Дарʼя Чульцова, таксама, як і Кацярына Андрэева, падазраваная паводле арт. 342 (дзеянні, якія груба парушаюць грамадскі парадак). Пакаранне паводле гэтага артыкулу прадугледжвае штраф, або арыштам, ці абмежаванне волі на тэрмін да трох гадоў, або пазбаўленнем волі на той жа тэрмін.
Цяпер Дарʼя Чульцова, таксама як і Кацярына Андрэева знаходзіцца ў жодзінскай турме.
Дар’я 15 лістапада працавала разам з Кацярынай Андрэевай над стрымам з плошчы Пераменаў, іх разам затрымалі, у адзін дзень судзілі паводле адміністрацыйнай справы.
Праваабаронцы прызналі журналістак «Белсату» палітычнымі зняволенымі.
СК belsat.eu
Напішы журналісту ліст
Тры беларускія журналісткі ўтрымліваюцца цяпер за кратамі і маюць абвінавачванні паводле крымінальных артыкулаў: Кацярына Андрэева(«Белсат»), Дарʼя Чульцова («Белсат»), Кацярына Барысевіч (TUT.BY).
Адным з моцных спосабаў падтрымаць дзеўчын можа стаць ваш ліст да іх.
Куды пісаць:
Кацярына Андрэева (Бахвалава): 222160 г. Жодзіна, вул. Савецкая, д. 22а.
Дарʼя Чульцова: 222160 г. Жодзіна, вул. Савецкая, д. 22а.
Кацярына Барысевіч: СІЗА № 1, 220030 г. Менск, вул. Валадарскага, д. 2.
Не забудзьцеся ўкласці ў ліст пусты канверт, каб дзеўчыны маглі вам адказаць. Дзякуем за вашую неабыякавасць!
