Юрась Губарэвіч, кіраўнік Руху «За свабоду!» паведаміў, што Следчы камітэт даслаў адказ на ягоную ранейшую заяву, у якой палітык патрабаваў распачаць крымінальную справу супраць Аляксандра Лукашэнка.
Лідару Руху «За свабоду!», а таксама прадстаўніку Каардынацыйнай рады Юрасю Губарэвічу следчыя адказалі на яго патрабаванне распачаць крымінальную справу паводле артыкулу захоп дзяржаўнай улады.
«Следчы камітэт адмовіўся завесці справу паводле ч. 3 арт. 357 КК (Змова або іншыя захады, учыненыя з мэтай захопу дзяржаўнай улады, якія прывялі да гібелі людзей цi звязаныя з забойствам) у дачыненні да грамадзяніна Аляксандра Лукашэнкі.
Можна зразумець чаму. Бо паводле гэтага артыкулу і добрую палову працаўнікоў СК давядзецца прыцягнуць у якасці саўдзельнікаў», – адзначыў Юрый Губарэвіч.
Палітык дадае, што ў сваім адказе з адмовай распачаць крымінальную справу, СК указвае на тое, што зварот мае агульны характар, таму фактаў і доказаў не хапае.
«Насамрэч доказная база напаўняецца кожны дзень. І справа абавязкова атрымае ход. Ужо пры новай уладзе», – падсумоўвае Юрась Губарэвіч.
СК belsat.eu