Расейскі дэпутат сумняецца ў саюзніцтве Лукашэнкі


Расейскі дэпутат Канстанцін Затулін. Фота: Valery Matytsin / TASS / Forum

Першы намеснік старшыні камітэту Дзяржаўнай думы Расеі ў справах СНД, еўразійскай інтэграцыі і сувязях з суайчыннікамі Канстанцін Затулін пракаментаваў радыёстанцыі «Говорит Москва» заявы кіраўніка Беларусі пра інтэграцыю.

На думку дэпутата, «Аляксандр Рыгоравіч прымае адну з апошніх спробаў нешта выгандляваць». Але, падкрэсліў ён, беларускую эканоміку, у выпадку калі яна перарве саюзныя адносіны з Расеяй, чакае крызіс.

Лукашэнка прыгразіў, што глыбейшай інтэграцыі з Расеяй можа не адбыцца

Затулін таксама заявіў, што ўлады Беларусі «значна больш планамерна і паслядоўна» спыняюць любыя спробы прыхільнікаў больш актыўнай інтэграцыі з Расеяй заявіць пра сябе ў параўнанні з прыхільнікамі заходняга вектару развіцця.

Паводле яго, Расеі патрэбны саюзнік на заходнім напрамку, «але не любой цаной».

«У саюзніцтве Лукашэнка апошнім часам даводзіцца сумнявацца», – адзначыў дэпутат.

Разам з тым, дадаў ён, пакуль не трэба ірваць сувязі ў Саюзнай дзяржаве.

Гары Каспараў: Пуцін не дапусціць падзення Лукашэнкі

Пасля галасавання на выбарчым участку кіраўнік Беларусі Аляксандр Лукашэнка пракаментаваў паглыбленне інтэграцыі з Расеяй.

«Што адбываецца ў нас? Нам кожны год падсоўваюць новыя ўмовы. Як вынік, мы ўвесь час у эканоміцы нешта губляем і губляем. Выбачайце, на халеру патрэбны каму такі саюз?» – сказаў ён.

Аляксандр Лукашэнка адзначыў, што не будзе падпісваць дакументы аб паглыбленні інтэграцыі з Расеяй, калі яны будзе супярэчыць беларускай Канстытуцыі.

Інтэграцыйная пастка

МГ belsat.eu

Глядзі таксама
Каментары