Прэзідэнты Расеі і Украіны Уладзімір Пуцін і Уладзімір Зяленскі далёкія ад згоды па шмат якіх пытаннях. Пра гэта ў эфіры перадачы «Большая игра» на расейскім Первом канале распавёў прэс-сакратар кіраўніка РФ Дзмітрый Пяскоў.
«Пуцін і Зяленскі пачалі размаўляць адзін з адным. <Яны, зразумела, выкарыстоўваюць розную тэрміналогію», – сказаў прэс-сакратар расейскага прэзідэнта.
Дзмітрый Пяскоў адзначыў, што Пуцін і Зяленскі размаўлялі сам-насам 10-15 хвілін, «што нямала».
9 снежня ў Парыжы адбыўся саміт «нармандскай чацвёркі» прысвечаны ўрэгуляванню сітуацыі на ўсходзе Украіны. Падчас саміту Уладзімір Зяленскі паразмаўляў сам-насам з Уладзімірам Пуціным.
10 снежня прэзідэнт Расеі Уладзімір Пуцін пракаментаваў патрабаванні прэзідэнта Уладзіміра Зяленскага аб перадачы Украіне кантролю мяжы на Данбасе. Кіраўнік Расеі мяркуе, што гэта прывядзе да разні.
МГ belsat.eu
