Прэзідэнт Расеі Уладзімір Пуцін абвясціў аб пераносе параду ў гонар 75-годдзя Перамогі.
Напярэдадні перанесці парад на іншую дату Уладзіміра Пуціна папрасілі ветэранскія арганізацыі.
Прэзідэнт Расеі заявіў, што парад і ўсе астатнія мерапрыемствы, якія павінны былі прайсці 9 траўня, адбудуцца ў 2020 годзе. Дакладную дату ён не назваў.
Раней аб планах пераносу параду выданню РБК паведамілі тры крыніцы, блізкія да Адміністрацыі прэзідэнта РФ, і суразмоўца, блізкі да Мінабароны.
У канцы сакавіка Аляксандр Лукашэнка паабяцаў, што ў Беларусі, нягледзячы на каронавірус, ніякія мерапрыемствы да 75-гадовага юбілею Перамогі ў Вялікай Айчыннай вайне адмяняцца не будуць. У Мінабароны Беларусі заявілі, што парад да 75-годдзя Дня Перамогі пройдзе ў «традыцыйным фармаце».
ЮВ/ІР belsat.eu