Затрыманага ў Гомлі 29 ліпеня паліттэхнолага Віталя Шклярава вінавацяць паводле ч.1 артыкула 342 КК (арганізацыя і падрыхтоўка дзеянняў, што груба парушаюць грамадскі парадак). Пра гэта паведамляе TUT.by са спасылкай на адваката Антона Гашынскага.
Максімальнае пакаранне па гэтым артыкуле дасягае трох гадоў пазбаўлення волі. Паводле адваката, у СІЗА на Шклярава аказвае ціск адміністрацыя, яму пагражаюць карцарам. Ён таксама скардзіцца на кепскія ўмовы ў камеры і пагаршэнне здароўя.
Паліттэхнолаг упэўнены, што ягоны пераслед носіць палітычна матываваны характар.
ДзяржСМІ ўвечары 29 ліпеня паказалі сюжэт аб тым, што Шкляраў сваю чаргу, Шкляраў заяўляў, што не ўзаемадзейнічаў з Сяргеем Ціханоўскім, яго нават не было ў Беларусі падчас пікету 29 траўня, з якога пачалася «справа Ціханоўскага».
Паводле некаторай інфармацыі, паліттэхнолаг мае амерыканскі дыппашпарт – ягоная жонка працуе ў амбасадзе ЗША ў Кіеве. Таксама вядома, што ён паходзіць з Гомля і мае грамадзянства Беларусі.
КА belsat.eu