Лідарка дэмакратычных сілаў Беларусі Святлана Ціханоўская стане першым палітыкам ад нашай краіны, хто прыме ўдзел у саміце NATO. Яе запрасілі ў якасці госці на сняданак з міністаркамі замежных справаў і абароны NATO.
Сняданак адбудзецца ў сераду, 12 ліпеня. Гэта частка афіцыйнай праграмы саміту. Таксама яна ўдзельнічае ў публічным форуме і дадатковых імпрэзах.
Журналісты «Белсату» будуць прысутнічаць на гэтай сустрэчы і сачыць за падзеямі ў Вільні.
У Вільні 11−12 ліпеня пройдзе саміт Паўночнаатлантычнага альянсу, у якім прымуць удзел лідары 40 краінаў. Адно з асноўных пытанняў на парадку дня саміту – сяброўства Украіны ў Альянсе. Прэзідэнт ЗША Джо Байдэн ужо заявіў, што абмяркоўваць прыняцце Украіны ў NATO можна будзе толькі па заканчэнні вайны.
Алена Рувіна belsat.eu
