5 лістапада на Нацыянальным прававым інтэрнэт-партале Беларусі (pravo.by) апублікавалі Выбарчы кодэкс на беларускай мове.
«У адпаведнасці з даручэннем кіраўніка краіны, якое было агучана 1 сакавіка 2019 г. падчас «Вялікай размовы з Прэзідэнтам», пры Нацыянальным цэнтры прававой інфармацыі быў створаны экспертны савет па перакладзе заканадаўчых актаў на беларускую мову», – паведамляе pravo.by.
5 лістапада гэтая камісія зацвердзіла пераклад Выбарчага кодэксу.
Раней паведамлялася, што на беларускую мову перакладзены Кодэкс аб шлюбе і сямʼі (беларуская версія пакуль афіцыйна не апублікаваная), а таксама пачалася праца над перакладам Цывільнага кодэксу.
Цяпер у Беларусі дзейнічае 25 кодэксаў. 23 з іх на расейскай мове.
ЮВ belsat.eu
