Колькасць апазіцыі ў выбарчых камісіях зменшылася ў 15 разоў у параўнанні з мінулымі прэзідэнцкімі выбарамі

Беларускі Хельсінскі камітэт і праваабарончы цэнтр «Вясна» апублікавалі звесткі пра фармаванне выбарчых камісіяў. Праваабаронцы падлічылі, што ў склад тэрытарыяльных выбарчых камісіяў патрапіла мінімальная колькасць прадстаўнікоў апазіцыі.

Адметнасцю сёлетняй прэзідэнцкай кампаніі з’яўляецца пандэмія каронавірусу, што паўплывала на працэс вылучэння прадстаўнікоў партыяў і грамадскіх аб’яднанняў і парадак правядзення пасяджэнняў органаў, якія фармавалі выбарчыя камісіі. Паседжанні сёлета ладзіліся з дапамогаю онлайн-трансляцыяў. Таму прадстаўнікі грамадзянскай супольнасці і назіральнікі ў большасці выпадкаў не змаглі патрапіць наўпрост на паседжанні органаў па ўтварэнні камісіяў.

У выніку, адзначаюць праваабаронцы, у параўнанні з папярэднімі прэзідэнцкімі выбарамі, колькасць прадстаўнікоў апазіцыйных партыяў у камісіях зменшылася ў 15 разоў.

«Гэта сведчыць пра захаванне дыскрымінацыйных падыходаў пры фармаванні складу выбарчых камісіяў», – лічаць правабаронцы.

Прэзідэнцкія выбары адбудуцца 9 жніўня. ЦВК зарэгістравала 15 ініцыятыўных групаў па вылучэнні кандыдатаў на прэзідэнцтва.

Трэцяя памылка Лукашэнкі ў гэтай перадвыбарнай кампаніі

СК belsat.eu

Hавiны