Каля СІЗА №1 у Менску затрыманы актывіст «Моладзевага блока» Пётр Маркелаў, паведамляе карэспандэнт «Белсат».
Пётр Маркелаў разам з іншымі актывістамі «Моладзевага блоку» прыйшоў да СІЗА №1 падтрымаць маці і сяброўку палітвязня Змітра Фурманава, якія галадаюць каля СІЗА на вуліцы Валадарскага ў Менску з 26 ліпеня.
Паводле карэспандэнта «Белсат», Маркелава «засунулі ў мікрааўтобус» супрацоўнікі міліцыі і зʼехалі.
35-гадовы гарадзенец Зміцер Фурманаў быў затрыманы 29 траўня падчас пікету па зборы подпісаў за вылучэнне кандыдатам на прэзідэнцтва Святланы Ціханоўскай. Ён быў рэгіянальным каардынатарам. У той жа дзень быў затрыманы сам Сяргей Ціханоўскі і ягоныя паплечнікі.
Яго вінавацяць у паводле ч. 1 арт. 342 (Арганізацыя і падрыхтоўка дзеянняў, якія груба парушаюць грамадскі парадак) Крымінальнага кодэкса.
АА belsat.eu