Неўзабаве будзе два тыдні, як Беларусы выйшлі пратэставаць фальсіфікацыі вынікаў выбараў, але сёння спіс прэтэнзіяў да ўлады ў іх значна пашырыўся. У розных гарадах краіны праходзілі акцыі нязгоды з гвалтоўнаю ўладай. Тая ж – збірае людзей на праўладныя мітынгі. 12-ы дзень пратэсту праз фотка-аб’ектыў.
Улады Магілёву пазбавілі жыхароў магчымасці законна пратэставаць у адведзеным месцы. Распахалі адзіны дазволены на масавыя мерапрыемствы стадыён па вул. Чалюскінцаў, 64.
У Віцебску папракалі, але з надзеяй на выпраўленне, імаверных фальсіфікатараў выбарчых пратаколаў – настаўнікаў.
21 жніўня ў Ваўкавыску развіталіся з Канстанцінам Шышмаковым, сябрам выбарчай камісіі, які заявіў пра фальсіфікацыі. Яго хавалі ў закрытай труне. Прычына смерці дагэтуль невядомая. Родныя ад каментароў адмовіліся, а вось знаёмыя не. Казалі пра Кастуся як пра сумленнага і прынцыповага чалавека, які па жыцці не цярпеў хлусні.
У першай палове дня ў Менску жанчыны зноў выйшлі на акцыю салідарнасці з ахвярамі і пацярпелымі.
Побач праязджаюць машыны з чырвона-зялёнымі сцягамі.
Бюджэтнікаў берасцейшчыны запрашалі паехаць на праўладны мітынг у Берасце. Абяцалі па 100 рублёў з нашых падаткаў.
Прыхільнікі пераменаў прыехалі на МЗКЦ падтрымаць рабочых, якія бастуюць.
У Берасці працаўнікі культуры пратэставалі на прыступках выставачнай залі. Плакат кажа сам за сябе.
Берасцейцы нясуць кветкі на месца, дзе стрэлілі ў пратэстоўцу Генадзя Шутава, які памёр ад гэтага ранення.
Гэтак на плошчы Незалежнасці ў Менску выглядаў сённяшні мірны пратэст.
Салідарныя са страйкоўцамі ёсць у буйных і меншых гарадах.
Пратэст у Гомлі прайшоў у атмасферы свята, бо аднадумцаў шмат, і смутку – што для выніку трэба яшчэ больш.
ЮЦ Belsat.eu
