Кіраўнік Аршаншчыны Ігар Ісачанка на суботніку (справа)
У Аршанскім раёне адбываецца маштабны суботнік па навядзенні парадку.
Як паведамляе агенцтва БелТА, на добраўпарадкаванне выйшлі працаўнікі 300 прамысловых прадпрыемстваў, сельскагаспадарчых прадпрыемстваў, жыллёва-камунальнай галіны і г.д.
Удзел у суботніку бярэ і новы кіраўнік Аршанскага раёну Ігар Ісачанка.
У размове з журналістамі ён падкрэсліў, што сённяшні суботнік і навядзенне парадку стануць «лакмусавай паперкай у працы кіраўнікоў арганізацыяў»:
«Гэта штуршок, каб усе разумелі, што ў рэгіёне будуць праводзіцца маштабныя працы па добраўпарадкаванні. Падобная праца будзе працягвацца не адзін дзень».
Пасля нядаўняга візіту на Аршаншчыну Аляксандр Лукашэнка перавёў рэгіён у рэжым асаблівага функцыянавання: для вырашэння праблемаў раёну стварылі працоўныя групы на ўзроўні ўраду і Віцебскага аблвыканкаму.
Чаму кіраўнік краіны так незадаволены аршанскімі чыноўнікамі і чаму ён надае надзвычайную ўвагу рэгіёну – даведаецеся ў нашым сюжэце ніжэй:
НМ, belsat.eu