Прэзідэнт ЗША Доналд Трамп разам са сваёй жонкай Мелані нанёс неаб’яўлены візіт у Ірак, дзе сустрэўся з вайскоўцамі ЗША. Пра гэта паведаміла прэс-сакратарка Белага дому Сара Сандэрс ў Twitter.
«Прэзідэнт Трамп і першая лэдзі адправіліся ў Ірак позна ўвечары на Каляды, каб сустрэцца з нашымі ваеннаслужачымі і вышэйшай ваеннай кіраўніцтвам і падзякаваць іх за службу, поспехі і за іх ахвяру, а таксама пажадаць ім шчаслівага Раства», – напісала Сара Сандэрс.
Сандэрс апублікавала шэраг фотаздымкаў кіраўніка дзяржавы і яго жонкі з вайскоўцамі.
Трамп упершыню на пасадзе прэзідэнта ЗША наведаў зону баявых дзеянняў. Раней ён неаднаразова выказваў намер адправіцца ў адну з гарачых кропак свету, але пры гэтым не канкрэтызаваў пра якую краіне ідзе размова.
Прэзідэнт ЗША Доналд Трамп падчас сустрэчы з вайскоўцамі ЗША ў Іраку заявіў, што Злучаныя Штаты не збіраюцца выводзіць свае войскі з гэтай краіны.
«На самой справе мы маглі б выкарыстоўваць гэтую базу ў якасці адпраўной кропкі, калі б мы хацелі нешта зрабіць у Сірыі… Калі мы ўбачым, што з ІДЗІЛ адбываецца нешта, што нам не падабаецца, мы можам нанесці па іх удар так хутка і так моцна, што яны і не зразумеюць, што адбылося », – падкрэсліў Доналд Трамп.
СК, belsat.eu