У Магілёве дэпутат Палаты прадстаўнікоў Ігар Марзалюк урачыста перарэзаў чырвоную стужку, якою былі абвязаныя новыя металічныя парэнчы на тэрыторыі гарадскога парку ў раёне вуліцы 30 гадоў Перамогі.
«Тут стаялі драўляныя часовыя парэнчы, не вельмі добрыя. Таму мы вырашылі з улікам будучых светлых святаў зрабіць жыхарам такі невялікі падарунак», – сказаў ён, паведамляе mogilevnews.by.
Кампанію дэпутату ў адкрыцці парэнчаў склаў генеральны дырэктар ЗАТ «ТИС-Магмет» ПА Белпрометалл Валерый Гусарэвіч.
МГ belsat.eu