Людзі прыходзяць падтрымаць супрацоўнікаў, прапануюць дапамогу і грошы, пішуць у сацсетках відавочцы.
Чарга пачала збірацца ля дзвярэй O’Petit яшчэ да адкрыцця. У абед людзям выпадала прастаяць за кавай больш за паўтары гадзіны, але на гэты час ніхто не наракаў.
Наведвальнікі прыйшлі падтрымаць мужных супрацоўнікаў кавярні, якія ратавалі ўдзельнікаў мірнага мітынгу ад сілавікоў 6 верасня.
Пасля абеду да кавярні пад’ехала машына з новым шклом. Кампанія «Okna may» адрамантавала дзверы бясплатна.
У нядзелю шкляныя дзверы ў менскую кавярню O’Petit на праспекце Пераможцаў, дзе схаваліся ўдзельнікі Маршу адзінства, разбілі сілавікі. Сярод іх быў і Мікалай Карпянкоў, кіраўнік Галоўнага ўпраўлення барацьбы з арганізаванай злачыннасцю і карупцыяй МУС.