Грошы за квіткі вяртаюць у поўным памеры.
Авіякампанія «Белавія» прыпыняе палёты ў Рым і Мілан да 15 красавіка. Пра гэта паведамляецца на афіцыйным сайце авіякампаніі. Хоць яшчэ ўчора ў офісе «Белавія» казалі пра прыпыненне палётаў да 2 красавіка. Такія захады кампанія робіць праз пандэмію каронавірусу. 10 сакавіка ў Італіі абвесцілі каранцін па ўсёй краіне.
«Белавія» абяцае вярнуць грошы за квіткі ў поўным памеры. Гэта датычна пералётаў Менск-Рым-Менск у перыяд ад 16 сакавіка да 15 красавіка, а таксама Менск-Мілан-Менск ад 12 сакавіка да 15 красавіка. За вяртаннем грошай трэба звярнуцца ў офіс, дзе пасажыр набываў квіток. Таксама можна адзін раз перанесці палёт (да 31 траўня) без дадатковых збораў у межах аднаго класу і па тых жа маршрутах.
Чытайце па тэме:
- «Белавія» пакідае толькі адзін рэйс на тыдзень у Ізраіль
- Доналд Трамп абвесціў, што ЗША на месяц закрываюць паездкі з Еўропы
- Праз каронавірус у Горадні адмовіліся ад правядзення масавай акцыі на Дзень Волі
ВЯ Belsat.eu
