Тэсты стварыла група навукоўцаў пад кіраўніцтвам загадчыка кафедры інфекцыйных хвароб Віцебскага медуніверсітэту Валерыя Сямёнава. Пра гэта паведамляюць «Витебские вести».
Тэсты стварыла група навукоўцаў пад кіраўніцтвам загадчыка кафедры інфекцыйных хвароб Віцебскага медуніверсітэту Валерыя Сямёнава. Міністэрства аховы здароўя сертыфікавала распрацоўку ў паскораным парадку.
«Вірус дастаткова складаны. Прааналізавалі базу звестак, вызначылі існыя ўчасткі, дзе вірус мутаваў, якія будуць паўтарацца ў гэтага штаму, выбралі іх і на падставе гэтага стварылі тэст-сістэму», – расказаў навуковец.
Айчынная распрацоўка дазволіць атрымаць вынік максімум праз 1,5 гадзіны, тады як наяўныя ў краіне тэсты даюць вынікі праз 3,5 гадзіны.
Таксама беларускія тэсты выключаюць прытворнададатныя або прытворнаадмоўныя рэакцыі. Іх кошт у пяць разоў меншы за замежныя аналагі.
Вытворчасць тэст-сістэмаў наладзіла кампанія «СИВитал», магутнасці якой дазваляюць вырабляць да 100 тыс. тэстаў у тыдзень.
Распрацоўкай віцебскіх навукоўцаў ужо зацікавіліся ў некаторых суседніх краінах. Але пакуль не будзе забяспечаная тэстамі Беларусь, пастаўкі на экспарт не плануюцца. Першыя пастаўкі ідуць ва ўстановы Віцебшчыны.
МГ belsat.eu
