Мінфін Беларусі апублікаваў статыстыку па вонкавых запазычанасцях уладаў. Памер абязальніцтваў перад крэдыторамі дасягнуў максімуму за ўсю гісторыю краіны.
Паводле падлікаў Мінфіну, вонкавыя дзяржаўныя пазыкі на 1 студзеня бягучага году склалі 16,9 мільярдаў долараў ЗША ў эквіваленце. Гэта найбольшая велічыня вонкавых пазыкаў за ўсю суверэнную гісторыю Беларусі.
У параўнанні з пачаткам 2018 года вонкавыя дзяржпазыкі павялічыліся на 1 %. Аднак адносна мінімуму мінулага года вонкавыя абязальніцтвы ўладаў выраслі на 3 %. У першую палову 2018 году вонкавы доўг нават скарачаўся, але ў другой палове ўсё ж аднавіўся яго рост.
У адрозненне ад ураду, міжнародныя фінансавыя крэдыторы ўключаюць у беларускі дзярждоўг яшчэ і дзяржгарантыі. У фінансавым адлюстраванні абсалютная большасць пазычальнікаў з’яўляецца дзяржаўнымі прадыпресмтвамі і амаль усе яны знаходзяцца ў жахлівым фінансавым стане. Таму рызыка невыканання гарантыяў дзяржавай вельмі высокая.
Усяго дзяржгарантыі на пачатак 2019 году склалі 6,6 мільярдаў рублёў, або 5,5 % ад ВУП. Калі крэдыторы пачнуць масава прадʼяўляць ураду яго гарантыі, гэта прывядзе да нулявога эканамічнага росту краіны. Дзяржгарантыі на 1 студзеня дасягнулі 1 680 мільёнаў долараў. Шмат у чым гэта гарантыі па звязаных кітайскіх крэдытах.
Акрамя вонкавых, ва ўрада ёсць і ўнутраныя пазыкі. І нягледзячы на тое, што яны ўнутраныя, такія пазыкі сфармаваны пераважна ў замежнай валюце. Галоўная крыніца ўнутраных валютных пазыкаў – выпускі аблігацыяў Мінфіна. На 1 студзеня запазычанасці ўладаў па валютных аблігацыях склалі 2 078 мільёнаў долараў, 1 178 мільёнаў еўраў і 162 мільёны расейскіх рублёў.
Доля валютных абязальніцтваў Мінфіна ў агульным абʼёме была роўная 83,3 %. Зразумела, што паслабленне беларускага рубля робіць гэтую долю яшчэ вышэй. Асноўнымі пакупнікамі валютных аблігацыяў Мінфіну зʼяўляюцца банкі.
Сумарныя дзяржаўныя пазыкі Беларусі з улікам дзяржгарантыяў па стане на 1 студзеня сёлета дасягнулі 52 мільярды рублёў. У параўнанні з ВУП гэты 42,8 %.
Сёлета ўрад заклаў нерэалістычна высокія тэмпы росту эканомікі. З улікам сітуацыі верагодна, што ВУП Беларусі павялічыцца на 1-2 %. Калі так і здарыцца, пагроза росту цяжару па пазыках становіцца для краіны надзвычай вялікай.
СК, belsat.eu, паводле banki24.by