Сілавікі пачалі брутальныя затрыманні ўдзельнікаў велапрабегу. Улады нават кінулі вайскоўцаў супраць раварыстаў.
Велапрабег салідарнасці, 7 жніўня. Фота – belsat.eu
Некалькі сотняў раварыстаў зладзілі заезд па цэнтральнай частцы гораду ўвечары 7 жніўня. Іх пачалі жорстка затрымліваць.
Дзейнічала не толькі міліцыя і АМАП, але і вайскоўцы.
Паведамляецца, што некаторыя раварысты падчас затрыманняў атрымалі траўмы. Паводле тэлеграм-каналу NEXTA, у раёне Акадэміі Навук працуюць адразу дзве брыгады хуткай дапамогі. Адзін чалавек ляжыць на зямлі, што менавіта з ім здарылася – пакуль невядома.
КА belsat.eu
