Верталёт польскай памежнай службы PZL Kania з учорашняга дня пачаў патруляваць літоўска-беларускую мяжу, паведамляе польская Пагранічная служба.
Памежная служба Польшчы апавясціла агенцтва Frontex, што гатовая падтрымаць Літву, перадаўшы верталёт PZL Kania з экіпажам і тэхнічным персаналам. 29 ліпеня ў Літву адправіліся першыя патрулі пагранічнікаў, а ў верасні выедуць дадатковыя. Акрамя таго, пагранічная служба адпраўляе ў Літву назіральны аўтамабіль PJN з экіпажам.
Таксама ў бліжэйшыя тыдні Польшча адправіць у Літву 40 чалавек з абсталяваннем для аховы мяжы.
Уся аперацыя па падтрымцы Літвы ажыццяўляецца агенцтвам памежнай і берагавой аховы Frontex.
АД, belsat.eu