Офіс Святланы Ціханоўскай і ініцыятыва «ByPol» накіравалі ліст у Інтэрпол, у якім просяць выключыць доступ рэжыму Лукашэнкі з мэтаю палітычнага пераследу.
Офіс Святланы Ціханоўскай і «ByPol» накіравалі афіцыйны ліст у Інтэрпол, у якім прыводзяць доказы таго, як рэжым запытвае інфармацыю пра беларусаў у іншых краінах. Дэмакратычныя сілы Беларусі настойваюць на неабходнасці спыніць супрацу Інтэрполу з рэжымам.
Раней ініцыятыва былых беларускіх сілавікоў «ByPol» апублікавала тэлефонныя размовы чыноўнікаў, з якіх вынікала, што ўлады Беларусі спрабавалі ўнесці Святлану Ціханоўскую ды іншых лідараў дэмакратычных сілаў у спісы Інтэрполу. Але гэты зварот арганізацыя адхіліла і нават вынесла афіцыйнаму Менску папярэджанне за палітычны пераслед апанентаў.
Але гэта не спыніла ўлады Беларусі, што надалей звяртаюцца ў Інтэрпол, каб атрымаць інфармацыю пра беларусаў, і патрабуюць іхнай выдачы з тэрыторыі іншых краінаў. Пры гэтым шмат асобаў апынуліся ў спісах Інтэрполу праз пераслед з палітычных матываў.
СК belsat.eu