У Горадню прыбылі расейскія вайскоўцы для фармавання расейска-беларускага вучэбна-баявога цэнтру

Падраздзяленні зенітных ракетных войскаў Расейскай Федэрацыі прыбылі ў Горадню для фармавання вучэбна-баявога цэнтру сумеснай падрыхтоўкі Вайскова-паветраных сілаў і войскаў Супрацьпаветранай абароны Беларусі і Расеі.

Пра гэта паведамляе тэлеграм-канал Міністэрства абароны Беларусі.

Рашэнне аб стварэнні вучэбна-баявых цэнтраў сумеснай падрыхтоўкі ўзброеных сілаў Беларусі і Расеі было прынятае ў ходзе перамоваў кіраўнікоў абаронных ведамстваў Беларусі і Расеі 5 сакавіка 2021 году ў Маскве.

3 верасня чакаецца прыбыццё самалётаў Су-30СМ ВКС Расеі на аэрадром у Баранавічах.

ГГ, belsat.eu