Кіраўнік МЗС Ірану Хасэйн Амір Абдалахіян у тэлефоннай размове з міністрам замежных справаў Беларусі Уладзімірам Макеем 26 кастрычніка папрасіў дапамагчы 13 іранцам, якія цяпер знаходзяцца на беларуска-літоўскай мяжы.
Іран сур’ёзна занепакоены станам сваіх грамадзянаў. МЗС настойвае, каб беларускі бок паказаў месца, дзе ў дадзены момант знаходзяцца грамадзяне Ірану, аказаў ім медыцынскую дапамогу і паспрыяў іх вяртанню на радзіму.
Хасэйн Амір Абдалахіян зазначыў, што ў сацыяльных сетках распаўсюджваюцца трывожныя навіны пра стан грамадзянаў Ірану на мяжы ў Беларусі. Дыпламат заклікаў беларускіх памежнікаў да максімальнай супрацы з мэтай аказання дапамогі іранскім уцекачам.
Уладзімір Макей паабяцаў, што Менск акажа ўсю магчымую дапамогу.
ГГ, belsat.eu