Раніцаю 27 ліпеня сілавікі прыйшлі і да іншых сябраў АГП, паведамляе палітык Анатоль Лябедзька.
«Апрычнікі абралі дзень прыняцця Дэкларацыі аб незалежнасці для чарговых зачыстак. Затрымалі Міколу Казлова, лідара АГП. Пагрукаліся і да іншых чальцоў партыі. Наступ на апошнюю арганізаваную выспу супраціву пачаты. Гэта вайна», – напісаў Анатоль Лябедзька ў Facebook.
Таксама паведамляюць пра затрыманне старшыні Менскай гарадской арганізацыі АГП Аксаны Аляксеевай. Сілавікі прыйшлі да яе а 7:00, таксама была хуткая дапамога.
У пачатку гэтага года старшыня Аб’яднанай грамадзянскай партыі Мікалай Казлоў адбыў 3 месяцы арышту паводле ч. 1 арт. 407 КК за «раскрыццё звестак у крымінальнай справе» супраць Каардынацыйнай рады, ён выйшаў на волю 26 сакавіка.
Алена Рувіна belsat.eu
