Адразу ў дзвюх сярэднеазіяцкіх краінах былога СССР спынілі трансляцыю шэрагу расейскіх тэлеканалаў.
«З прычыны прыняцця ў шэрагу краінаў заканадаўчых абмежаванняў адносна распаўсюду агульнарасейскіх тэлеканалаў – на міжнародных спадарожніках было ў аднабаковым парадку заблакаванае вяшчанне тэлеканалаў ВГТРК. З гэтай прычыны часова недаступная трансляцыя тэлеканалаў: «Россия Культура», «Россия 24» і «Звезда», – паведамляе тэлекамунікацыйная кампанія «Акнет».
Цяпер ідзе праца для арганізацыі рэзервовага вяшчання для стабільнай падачы сігналу, пасля чаго вяшчанне павінна стаць даступным у сетцы кампаніі.
Таксама ў Туркменістане заблакавалі вяшчанне расейскіх тэлеканалаў «Россия 1» і «Звезда», якія трансляваў найбуйнейшы ліцэнзаваны аператар сувязі краіны АТЗТ «Ашгабадская гарадская тэлефонная сетка».
Пры пераключэнні на гэтыя тэлеканалы з’яўляецца абвестка, што вяшчанне заблакаванае «ў сувязі з абмежаваннем трансляцыі агульнарасейскіх тэлеканалаў з замежных спадарожнікаў», піша «Интерфакс».
Макар Мыш belsat.eu