Адабрэнне расейскіх уладаў абвалілася ва ўсім свеце, паля таго, як Расея напала на Украіну. Па выніках 2022 году Крэмль істотна страціў падтрыманне не толькі на Захадзе, але і ў постсавецкіх краінах, піша рэсурс re-russia са спасылкай на вынікі глабальнага апытання Gallup.
Пасля расейскага ўварвання ва Украіну ў 2022 годзе, доля тых, хто не падтрымлівае палітыку Уладзіміра Пуціна ў Арменіі, Малдове, Казахстане і Азербайджане, упершыню перавысіла долю тых, хто ўхваляў яго захады раней.
Гэтак, напрыклад, у Арменіі колькасць тых, хто ўхваляе дзеянні кіраўніка Крамля скарацілася з 45 % да 32 %. Колькасць праціўнікаў Пуціна вырасла з 38 % да 58%. У Азербайджане летась 23 % апытаных заявілі, што ўхваляюць дзеянні Пуціна і 46 % не ўхваляюць. У Казахстане колькасць прыхільнікаў кіраўніка Расеі скарацілася з 55 % да 29 %.
Таксама Расея губляе ўплыў на рускія дыяспары і ў блізкім замежжы. Гэтак, напрыклад, у Латвіі і Эстоніі доля «расейцаў», якія не ўхваляюць расейскае кіраўніцтва, таксама перавысіла долю тых, хто падтрымлівае палітыку Пуціна.
Алена Аляксандрава belsat.eu