Сілавікі ў Беларусі затрымалі 35-гадовага Барыса Маманенку, дырэктара IT-кампаніі «Zborka labs», што працуе са стартапамі і дапамагае знайсці фінансаванне. Пра затрыманне стала вядома праваабаронцам.
На «пакаянным» відэа мужчына прызнаецца ва ўдзеле ў акцыях пратэсту пасля выбараў 2020 года і перакрыцці дарогаў. Таксама праўладныя каналы зацікавілі ўмовы працы Барыса – «заробак, больш за 5000 рублёў, і вольны графік працы».
Маманенка абвінавачваецца паводле артыкулу 342 КК «Арганізацыя або актыўны ўдзел у групавых дзеяннях, што груба парушаюць грамадскі парадак».
АД belsat.eu