Праваабаронцам стала вядома, што палітзняволенага Яўгена Бароўскага змясцілі ў штрафны ізалятар замест таго, каб прапанаваць яму неабходную медычную дапамогу.
Пра стан Бароўскага распавядала ягоная жонка Вераніка:
«Ягоны нос апухлы, ён страшэнна кашляе і яму баліць галава, бо, хутчэй за ўсё, ужо пачаўся гаймарыт».
24 студзеня Вераніка ездзіла ў калонію і пакінула скаргі.
Яўгена Бароўскага асудзілі да 4 гадоў калоніі паводле двух артыкулаў Крымінальнага кодэксу: арт. 364 і арт. 342. Падчас разгону 11 кастрычніка 2020 года Маршу гонару каля станцыі метро «Пушкінская» ён і яшчэ трое абвінавачаных, як вынікае з матэрыялаў следства, перашкодзілі амапаўцам затрымаць чалавека, распачалі бойку, нанеслі некалькі ўдараў па галовах амапаўцам і разбілі шыбу ў службовым аўтамабілі.
Падтрымаць Яўгена можна, напісаўшы на адрас: ПК № 15, 213105 Магілёў, п / а Вейна, Слаўгарадская шаша 183.
ГГ, belsat.eu