На 24 верасня ў Расеі прызначаны новыя акцыі пратэсту супраць прымусовай мабілізацыі на вайну супраць Украіны. У некаторых гарадах на ўсходзе краіны акцыі ўжо пачаліся.
Пратэсты каардынуе рух «Вясна», пачатак прызначана на 17:00. па мясцовым часе. Акцыі мусяць праходзіць пад лозунгамі «Улада – далоў, салдат – дадому», «Пуціна – у акопы», «Жыццё нашым дзецям», «Няма магілізацыі». «Вясна» заклікае не аддаваць паліцыі пратэстоўцаў, выкарыстоўваць счэпкі, адбівайце тых, каго цягнуць у аўтазакі, але пры гэтым не ўжываць гвалт да сілавікоў.
На Дальнім Усходзе і ў Сібіры акцыі або пачаліся, або ўжо прайшлі. Паведамляецца пра затрыманні ў Іркуцку, Улан-Удэ, Навасібірску, Томску, Чыце, Хабараўску.
Акцыі пакуль вельмі малалікія, у некаторых гарадах яны звяліся да адзіночных пікетаў.
21 верасня падчас пратэстаў супраць мабілізацыі па ўсёй Расеі былі затрыманыя больш за 1300 чалавек.
Глеб Нержын belsat.eu
