Заўважыла дрон у лесе недалёка ад Нагінску мясцовая жыхарка яшчэ 23 красавіка. Яна пабаялася выклікаць паліцыю і, палічыўшы, што гэта нечая цацка, выклала фотаздымкі апарата ў чат садовага таварыства. Звярнуўся ў паліцыю іншы ўдзельнік чату.
Як сцвярджае тэлеграм-канал «Baza», гэта мадэль беспілотніка «UJ-22 Airborn» украінскай вытворчасці. Яго даўжыня складае 3,5 метра.
У беспілотніку былі 30 брыкетаў па 570 грамаў з рэчывам С-4. Паводле іншых звестак, гэта былі «канадскія выбуховыя набоі М112».
Прычыны падзення пакуль невядомыя. Сярод версіяў – заканчэнне паліва ў баку, а таксама сутыкненне з галінамі дрэваў.
Раман Шавель belsat.eu