Еўразвяз і Злучаныя Штаты прынялі 23 лютага чарговыя санкцыі супраць Расеі за вайну ва Украіне. Але пад гэтыя санкцыі трапілі таксама грамадзяне Беларусі і беларускія кампаніі.
Аляксей Талай падчас наведвання акупаваных тэрыторыяў Украіны. Здымак прадстаўлены ініцыятывай «BelPol»
Пад санкцыі Еўразвязу (спіс у PDF) трапілі такія беларускія кампаніі:
- ААТ «Пеленг»;
- ГА «Дэльфіны» – арганізацыя, якая ўдзельнічала ў незаконным вывазе ўкраінскіх дзяцей у Беларусь;
- Фонд Аляксея Талая;
- ААТ «2566 завод па рамонце радыёэлектроннага ўзбраення»;
- ААТ «Аршанскі авіярамонтны завод».
Таксама пад санкцыі Еўразвязу трапілі наступныя асобы з Беларусі:
- Аляксей Талай, які арганізуе вываз украінскіх дзяцей у Беларусь;
- Дзмітрый Шаўцоў, скандальны генеральны сакратар Беларускага таварыства Чырвонага Крыжа;
- Павел Случак, генеральны дырэктар Аршанскага авіярамонтнага заводу;
- Валерый Шаціла, дырэктар ААТ «2566 завод па рамонце радыёэлектроннага ўзбраення»;
- Дзмітрый Дзямідаў, старшыня Наваполацкага гарвыканкаму;
- Вольга Волкава, дырэктар ГА «Дэльфіны».
Акрамя таго, пад санкцыі ЗША трапілі:
- Аляксей Талай;
- ААТ «558-ты авіяцыйны рамонтны завод»;
- звязаныя з Беларуссю грамадзяне Расеі: амбасадар Расеі ў Беларусі Барыс Грызлоў і сакратар саюзнай дзяржавы Дзмітрый Мезенцаў.
Злучаныя штаты ўвялі санкцыі і супраць расейскай плацёжнай сістэмы «Мир», якая дзейнічае ў тым ліку ў Беларусі і інтэграваная з сістэмай «Белкарт».
Рэпартаж
Гуманізм са зброяй. Як Аляксей Талай вывозіць украінскіх дзяцей у Беларусь
2023.11.06 18:45
Алесь Наваборскі belsat.eu