З моманту прызнання Крамлём незалежнасці ўтвораных на тэрыторыі Украіны сепаратысцкіх утварэнняў «ЛНР» і «ДНР», расейскія ўлады ніяк не могуць вызначыцца, у якіх жа межах гэта адбылося.
Гэтак, дэпутат Дзярждумы Леанід Калашнікаў заявіў, што прызнанне «ЛНР» і «ДНР» будзе ў межах Данецкай і Луганскай вобласцяў Украіны. Але пасля ён жа сам зняпраўдзіў свае словы.
Аналагічная сітуацыя склалася і пазней.
Спачатку намеснік міністра замежных справаў Андрэй Рудэнка сказаў, што Расея прызнае «ДНР» і «ЛНР» у межах, у якіх улады «рэспублік» ажыццяўляюць паўнамоцтвы і юрысдыкцыю.
А затым з прэс-сакратаром Уладзіміра Пуціна Дзмітрый Пяскоў адзначыў, што Масква вызнае іх у тых межах, «у якіх яны самыя сябе абвяшчалі». То бок, гаворка ідзе пра адміністратыўныя межы Данецкай і Луганскай вобласцяў Украіны, якія істотна большыя за згаданыя «рэспублікі» і знаходзяцца пад кантролем украінскіх уладаў.
ПС belsat.eu
