Курыя Менска-Магілёўскай архідыяцэзіі паведаміла, што 23 кастрычніка адбудзецца кананічнае ўступленне на пасаду новапрызначанага мітрапаліта Менска-Магілёўскага арцыбіскупа Юзафа Станеўскага.
Да моманту яго кананічнага ўступлення на пасаду кіраўніцтва Менска-Магілёўскай архідыяцэзіяй здзяйсняе апостальскі адміністратар sede vacante біскуп Казімір Велікаселец.
Цырымонія кананічнага ўступлення на пасаду прызначанага арцыбіскупа адбудзецца ў суботу 23 кастрычніка падчас урачыстай імшы ў архікатэдры Найсвяцейшай Панны Марыі ў Менску. Пачатак аб 11:00.
Праз тыдзень пасля гэтага, 30 кастрычніка, адбудзецца інгрэс, або ўрачысты ўваход, мітрапаліта Магілёўскага арцыбіскупа Юзафа Станеўскага ў гістарычную магілёўскую катэдру Унебаўзяцця Найсвяцейшай Панны Марыі і Святога Станіслава. Пачатак а 18:30.
14 верасня было абвешчана аб прызначэнні ў Беларусі новага мітрапаліта Менска-Магілёўскай архідыяцэзіі. Ім стаў дапаможны Гарадзенскі біскуп Юзаф Станеўскі.
МГ belsat.eu
