Супрацоўнікі Памежнай службы Польшчы выратавалі мігрантаў, якія затрымаліся сярод затокаў ракі Нараў. Яны самі патэлефанавалі ратавальнікам, паведамляе ведамства.
Супрацоўнікі памежнай службы знайшлі мігрантаў з верталёта. З-за цяжкадаступнасці месца верталёт не мог прызямліцца побач з пацярпелымі. Пасля зніжэння вышыні адзін з супрацоўнікаў памежнай аховы саскочыў, каб аказаць першую дапамогу пацярпелым і каардынаваць з гэтага месца далейшыя дзеянні.
На месцы ратавальнікі выявілі 12 чалавек, у тым ліку падгадаванае дзіця і двое падлеткаў 14 і 16 гадоў. Два чалавекі мелі патрэбу ў дапамозе лекара, аднаго з іх прыйшлося несці на насілках.
Мігрантаў эвакуіравалі на лодках. Два чалавекі мелі патрэбу ў дапамозе лекара і былі шпіталізаваны, аднаго з іх прыйшлося несці на насілках. Астатнія трапілі ва ўстанову памежнай аховы ў Нараўцэ.
Уцекачы апынуліся грамадзянамі Іраку, і толькі адзін з іх – грамадзянін Егіпта. Усе яны перайшлі мяжу з тэрыторыі Беларусі.
АД, belsat.eu