На дырэктара фонду «Беларускі дом у Варшаве» Алеся Зарэмбюка лукашысты завялі тры крымінальныя справы. Сам грамадскі і палітычны актывіст шмат гадоў жыве ў Польшчы.
У сувязі з распачатымі крымінальнымі справамі сілавікі дапыталі ягоных бацькоў, якія жывуць у Беларусі, а таксама правялі ператрусы.
«Сёння па месцы майго жыхарства і прапіскі ў Мастах прайшлі два ператрусы. Прадстаўнікі Следчага камітэту з Горадні дапыталі тату, зараз дапытваюць у царкве маму (мама – настаўніца – вядзе ў царкве заняткі з дзеткамі). Супраць мяне распачалі тры крымінальныя справы», – напісаў Алесь Зарэмбюк у Facebook.
Паводле якіх артыкулах распачатыя крымінальныя справы, пакуль невядома.
Алена Рувіна belsat.eu