У панядзелак Лукашэнка зрабіў шэраг кадравых перастановак ва ўрадзе. Новым віцэ-прэм’ерам быў прызначаны Леанід Заяц. Чыноўнік займаў пасаду міністра сельскай гаспадаркі з 2012 да 2019 года, пасля чаго да снежня 2021 года працаваў старшынём Магілёўскага аблвыканкаму.
Леанід Заяц, былы міністр сельскай гаспадаркі. Фота belta.by
Нагадаем, што ў 2019 годзе Лукашэнка зняў Зайца з пасады, абурыўшыся выглядам кароўніку ў комплексе «Сліжы».
Іншыя кадравыя прызначэнні выглядалі наступным чынам:
- пасол у Кубе Валерый Бараноўскі прызначаны паслом Беларусі ў Нікарагуа па сумяшчэнні;
- Аляксей Быкаў прызначаны старшынём Чашніцкага райвыканкаму;
- Аляксей Скрага – генеральным дырэктарам Беларускай калійнай кампаніі;
- Віктар Філатаў – генеральным дырэктарам холдынгу «Бабруйскаграмаш»;
- Ігар Жук – рэктарам Гарадзенскага дзяржаўнага медычнага ўніверсітэту;
- Алеся Абраменка – намеснікам міністра эканомікі;
- Руслан Варанкоў – генеральным консулам у Хашыміне (Вʼетнам);
- Таццяна Харлап – генеральнай консулкай у Гон-Конгу (Кітай);
- Міхаіл Гурыновіч – начальнікам сакратарыяту Савету Рэспублікі.
ХЗ belsat.eu