У Турцыі ў выніку новага землятрусу параненыя мінімум 294 чалавекі, 18 з іх застаюцца ў цяжкім стане, перадае турэцкае выданне «TRT Haber». У суседняй Сірыі пацярпелі не менш за 470 чалавек, паведамляюць актывісты SOHR.
У выніку панікі і цісканіны, выкліканай новымі землятрусамі, у Сірыі ў гарадах Алепа, Тартус і Хама загінулі чатыры чалавекі, шэсць асобаў загінулі ў Турцыі. Усяго ў дзвюх краінах пацярпелі не менш як 764 чалавекі.
Сірыйскія ўлады не раскрываюць колькасці загінулых і пацярпелых. Паводле звестак Сірыйскай пляцоўкі назірання за правамі чалавека (SOHR), пацярпелі не менш як 320 чалавек у рэгіёнах, якія кантралююцца ўрадам, і 150 – у паўночна-заходніх мясцовасцях Сірыі, кантраляваных паўстанцамі.
Працягваюцца пошукава-ратавальныя працы на месцы разбурэнняў.
Землятрусы адбыліся ўвечары 20 лютага ў турэцкай правінцыі Хатай на мяжы з Сірыяй. Іх магнітуда давягала 6,4. Усяго на пару тыдняў раней на мяжы Турцыі і Сірыі адбыліся разбуральныя землятрусы магнітудаю да 7,8, у выніку якіх загінулі больш за 46 000 чалавек, пацярпелі да 23 млн чалавек.
Алена Рувіна belsat.eu