Нямецкая амбасада ў Менску працягне выдаваць візы беларусам, заявіў кіраўнік дыпмісіі Манфрэд Гутэрэр. Ён выступіў з прамовай у Менску на сустрэчы прадстаўнікоў гарадоў-пабрацімаў дзвюх краінаў, перадае агенцтва «БелТА».
Амбасадар Нямеччыны Манфрэд Гутэрэр заявіў, што пасольства працягне выдаваць візы беларусам, перадае «БелТА». Як адзначыў дыпламат, Берлін намагаецца развіваць сувязі паміж людзьмі і агулам сяброўскія трансгранічныя сувязі.
«За адкрыты візавы рэжым будзем выступаць і надалей, а таксама падтрымліваць тых, хто працуе на беларускім рынку. Мы будзем рады ўносіць сваю лепту ў развіццё міжасобасных дачыненняў між краінамі», – сказаў Гутэрэр.
Ён заявіў пра гэта ў Менску на сустрэчы прадстаўнікоў гарадоў-пабрацімаў Беларусі і Нямеччыны.
Сяргей Крот belsat.eu