У 5:15 раніцы (маскоўскага часу) адбыўся маштабны пажар у Сочы. Гарэў рэзервуар з дызельным палівам. Магчыма, адбылася атака дронам.
Як паведамляюць расейскія тэлеграм-каналы, «непадалёк ад аэрапорту ў Адлеры гарыць рэзервуар з палівам, да гэтага мясцовыя чулі гук выбуху».
Інфармацыю пацвердзіў губернатар Краснадарскага краю: «У Адлерскім раёне Сочы зранку загарэўся рэзервуар з дызельным палівам. Плошча пажару складае 96 квадратных метраў. Паводле папярэдніх звестак, пацярпелых няма. На месцы працуюць больш за 60 чалавек і 15 адзінак тэхнікі. Пагрозы распаўсюджання агня няма. Прычыны высвятляюцца».
Нягледзячы на пажар, аэрапорт у Адлеры працаваў у штатным рэжыме.
Адна з версіяў прычыны пажару – атака беспілотнікам.
На гэты момант паведамляецца, што загаранне зліквідаванае.
Раман Шавель belsat.eu
