Днём 20 траўня на скрыжаванні вуліц Сурганава і Леаніда Бяды ў Менску, каля ГЦ «Рыга», сутыкнуліся аўтамабіль хуткай дапамогі і легкавы аўтамабіль «Suzuki».
Ад удару машына хуткай дапамогі перакулілася, паведамляе УДАІ ГУУС Менгарвыканкаму.
Паводле папярэдняй інфармацыі, хуткая дапамога ехала з уключанай сірэнай і праязджала скрыжаванне на «чырвонае». У выніку аварыі ў легкавога аўта разбіта ўся пярэдняя частка.
Фельчара хуткай дапамогі даставілі ў лякарню для агляду.
Ці перавозіла хуткая пацыента, не паведамляецца.
Алена Рувіна belsat.eu