Аляксандр Лукашэнка 20 красавіка сустрэўся з украінскім дэпутатам. У Вярхоўнай Радзе гэтай падзеі не ацанілі.
Аляксандр Лукашэнка спадзяецца, што ягоная сустрэча з народным дэпутатам Вярхоўнай Рады Украіны Яўгенам Шаўчэнкам стане добрым сігналам і будзе спрыяць развіццю стасункаў дзвюх краін. Паводле яго, «ёсць яшчэ ва Украіне людзі, якія паважаюць Беларусь».
«Для мяне вельмі вялікі гонар з вамі пазнаёміцца, я даўно марыў», – цытуе Шаўчэнку прэс-служба Лукашэнкі.
Яўген Шаўчэнка – дэпутат Вярхоўнай Рады ад кіроўнай фракцыі «Слуга народу». Але на перамовах з Лукашэнкам выступаў як прыватная асоба, а не як прадстаўнік Украіны, заявіў намеснік кіраўніка фракцыі Аляксандр Карніенка, паведамляе LIGA.net.
Паводле яго, такая сустрэча – асабістая ініцыятыва дэпутата. Карніенка зазначыў, што фракцыя «Слуга народу» запатрабуе ад Шаўчэнкі тлумачэнняў.
МГ belsat.eu
