Менгарсуд разгледзеў апеляцыю пракуратуры на прысуд журналістцы Кацярыне Барысевіч

Менскі гарадскі суд разгледзеў апеляцыю на прысуд журналістцы TUT.BY Кацярыне Барысевіч. Перагляд судовай справы запатрабаваў пракурор, які палічыў, што прысуд для Кацярыны занадта мяккі. Тым не менш, суд пакінуў у сіле ранейшы прысуд журналістцы – 6 месяцаў турэмнага зняволення.

Прысуд журналістцы Кацярыне Барысевіч пакінулі ў сіле — яна правядзе за кратамі 6 месяцаў. Менск, Беларусь. 20 красавіка 2021 года. Фота: АВ / Белсат

2 сакавіка Кацярыну Барысевіч суд Маскоўскага раёна прызнаў вінаватай у разгалошванні медычнай таямніцы і прысудзіў журналістцы шэсць месяцаў пазбаўлення волі. Пракуратура палічыла такое рашэнне мяккім – і падала пратэст. Абарона Кацярыны Барысевіч настойваюць, што яна не вінаватая, і патрабуюць яе апраўдання.

Прысуд журналістцы Кацярыне Барысевіч пакінулі ў сіле — яна правядзе за кратамі 6 месяцаў. Менск, Беларусь. 20 красавіка 2021 года. Фота: АВ / Белсат

Менгарсуд разгледзеў апеляцыю пракуратуры на ранейшы прысуд Кацярыне Барысевіч і пакінуў апеляцыю пракуратуры без задавальнення. Кацярына Барысевіч надалей застанецца пад вартай і выйдзе на волю 19 траўня.

«Я адчула нейкую палёгку, як бы парадаксальна не гучала гэта ў існай сітуацыі. Але мы задаволеныя, што хаця б 19 траўня Каця будзе на волі. Насамрэч складана было нешта прагназаваць, мы проста чакалі сёння, а загадзя такія рэчы немагчыма прагназаваць», – распавяла «Белсату» галоўны рэдактар TUT.by Марына Золатава.

Марына Золатава. Фота: Белсат

У працэсе Кацярына Барысевіч прымала ўдзел па відэасувязі з жодзінскага СІЗА.

«Мы радыя, што ранейшы прысуд застаўся ў сіле. Далей нашыя захады мы ўзгоднім з Кацярынай», – распавялі адвакаты Кацярыны Міхаіл Баднарчук і Андрэй Мачалоў.

Прысуд журналістцы Кацярыне Барысевіч пакінулі ў сіле — яна правядзе за кратамі 6 месяцаў. Менск, Беларусь. 20 красавіка 2021 года. Фота: АВ / Белсат

Генпракуратура лічыць прысуд Кацярыне Барысевіч занадта мяккім і хоча яго змяніць

Журналістку Кацярыну Барысевіч і лекара Арцёма Сарокіна абвінавацілі ў разгалошванні медычнай таямніцы, што, на думку Генпракуратуры, пацягнула цяжкія наступствы. У дачыненні да іх 19 лістапада летась распачалі крымінальную справу.

«Адзіным справядлівым выракам было б апраўданне». Рэакцыі на прысуд у справе «нуль праміле»

Журналістку Кацярыну Барысевіч перавялі ў жодзінскі ізалятар

Агучаны вырак у справе журналісткі Кацярыны Барысевіч і лекара Арцёма Сарокіна

Ад штрафаў і содняў да 8 гадоў турмы. Як улады караюць за справу Рамана Бандарэнкі

СК belsat.eu

Падпісвайся на telegram Белсату

Hавiны