«Белсат» зноў пайшоў на закупы. Схадзілі па садавіну і гародніну на рынкі ў Батумі, Варшаве, Вільні, Кіеве і ў адным з гарадоў Беларусі, які не будзем называць з меркаванняў бяспекі нашага «інфарматара».
У пачатку лета нашыя карэспандэнты ўжо хадзілі па падобны набор харчоў. Ды цэны на садавіну-гародніну мяняюцца і сезонна, і незалежна ад сезону. Што ў сярэдзіне восені?
Вынікі такія:
Вышэй – «мінімальныя нармальныя» цэны. Падгнілыя яблыкі, вядома, таннейшыя за нармальныя, а дробныя слівы таннейшыя за буйныя. Выбіралі нізкую цану на тое, што самім не сорамна пакласці на стол. Разбежку цэнаў пабачылі наступную.
Батумі
Цэны ў пераліку на беларускія рублі.
- Агуркі: ад 3,08 да 6,16 рубля.
- Бульба: 1,85–2,09.
- Вінаград: 6,16–8,00.
- Капуста: 1,48–2,46.
- Памідоры: 2,46–7,39 (найчасцей ад 4,31).
- Слівы: 3,08–5,54.
- Цыбуля: 1,48–1,97.
- Яблыкі: 3,08–5,54 (найчасцей ад 3,69).
На рынках у Грузіі не прынята пісаць цэны на цэнніках – найчасцей трэба пытаць. Можна пагандлявацца, але прынамсі замежнікам цэны скідваюць неахвотна, ды і ходзяць чуткі, што мясцовым называюць ніжэйшыя цэны, чым прыезджым.
Сярэдні налічаны заробак у Грузіі складае 1804,5 лары (звесткі за ІІ квартал 2023 года). Калі адняць ад гэтага 20 % на падаткі і перавесці ў беларускія рублі паводле курсу НБРБ на канец ІІ кварталу, выходзіць 1622,75 рубля.
Варшава
Цэны ў пераліку на беларускія рублі.
- Агуркі: ад 6,12 да 7,46 рубля.
- Бульба: 1,96–3,14.
- Вінаград: 5,49–7,69.
- Капуста: 1,96–5,49.
- Памідоры: 3,14–14,13.
- Слівы: 5,49–6,28.
- Цыбуля: 2,35–4,71.
- Яблыкі: 2,35–3,92.
Сярэдні налічаны заробак у Польшчы складае 5350 злотых па вынятку падаткаў (звесткі за жнівень 2023 года). Калі перавесці ў беларускія рублі паводле курсу НБРБ на канец жніўня, выходзіць 4182,36 рубля.
Вільня
Цэны ў пераліку на беларускія рублі.
- Агуркі: ад 5,22 да 6,96 рубля.
- Бульба: 2,78–3,48.
- Вінаград: звычайна па 12,18.
- Капуста: звычайна па 3,48.
- Памідоры: 5,22–6,96.
- Слівы: 6,26–8,70.
- Цыбуля: 3,48–5,22.
- Яблыкі: 3,48.
Сярэдні налічаны заробак у Літве складае 1241,2 еўра па вынятку падаткаў (звесткі за ІІ квартал 2023 года). Калі перавесці ў беларускія рублі паводле курсу НБРБ на канец жніўня, выходзіць 4108,12 рубля.
Кіеў
У пераліку на беларускія рублі.
- Агуркі: ад 7,26 да 8,17 рубля.
- Бульба: 1,36–2,27.
- Вінаград: 6,81–10,89.
- Капуста: 1,82–3,63.
- Памідоры: 6,35–9,08.
- Слівы: 3,18–4,54.
- Цыбуля: 1,63–2,27.
- Яблыкі: 2,27–2,72.
Сярэдні налічаны заробак ва Украіне складае 16012 грывень (звесткі за чэрвень 2023 года). Калі адняць ад гэтага 18 % на падаткі і перавесці ў беларускія рублі паводле курсу НБРБ на канец чэрвеня, выходзіць 1077,75 рубля.
Недзе ў Беларусі
З меркаванняў бяспекі не паказваем, дзе і як глядзелі цэны ў Беларусі.
- Агуркі: ад 3,5 да 4 рублёў.
- Бульба: 0,5–1.
- Вінаград: 5–8.
- Капуста: 1–1,4.
- Памідоры: 1,5–3,5.
- Слівы: 6–7.
- Цыбуля: 1.5–3.
- Яблыкі: 3–4.
Сярэдні налічаны заробак ва Украіне складае 1962,4 рубля (звесткі за жнівень 2023 года). Калі адняць ад гэтага 13 % на падаткі і 1 % у пенсійны фонд, застаецца 1687,66 рубля.
Алесь Наваборскі ды іншыя belsat.eu
