Дзяржаўны сакратар Савета бяспекі Аляксандр Вальфавіч заявіў, што гэта прадугледжана новай рэдакцыяй палажэння аб Савеце бяспекі, піша БелТА.
Паводле словаў Вальфовіча, папярэдняя рэдакцыя палажэння была ў 2000 годзе і з таго часу наспела неабходнасць яго актуалізаваць. Праца над дакументам будзе завершана ў бліжэйшыя месяц-два, і ён будзе ўнесены на разгляд кіраўніка дзяржавы.
На сённяшні дзень Савет бяспекі лічыцца найвышэйшым калегіяльным каардынацыйна-палiтычным органам, які рэалізуе паўнамоцтвы прэзідэнта ў галіне забеспячэння нацыянальнай бяспекі. Раней падчас паседжання Савету бяспекі Аляксандр Лукашэнка заявіў пра неабходнасць пашырыць паўнамоцтвы Савету бяспекі.
«Улічваючы агрэсіўныя спробы ператварыць Беларусь, па тэрміналогіі Злучаных Штатаў Амерыкі, у «недзеяздольную дзяржаву», мы павінны замацаваць за Саветам бяспекі новыя канкрэтныя, жыццёва важныя функцыі. Такое пашырэнне паўнамоцтваў будзе садзейнічаць запэўніванню стабільнай і бяспечнай работы ўсёй дзяржавы і кожнага чалавека», – сказаў ён.
Якія канкрэтна паўнамоцтвы атрымае Савет бяспекі пакуль не ўдакладняецца.
ІІ belsat.eu