Журналістку «Белсату» Кацярыну Андрэеву, якую прызналі палітзняволенай, маглі этапаваць з Менску ў Жодзіна.
Як паведаміў Ігар Ільяш, муж Кацярыны Андрэевай, у СІЗА на вуліцы Валадарскага ў яго адмовіліся прыняць перадачу для жонкі:
«Заявілі, што Кацю ўчора этапавалі ў Жодзіна».
Таксама стала вядома, што 16 сакавіка ў жодзінскае СІЗА этапавалі і іншую нашую каляжанку – Дар’ю Чульцову.
Кацярыну Андрэеву і Дарʼю Чульцову асудзілі на два гады калоніі агульнага рэжыму толькі за тое, што яны 15 лістапада 2020 года зладзілі стрым з плошчы Пераменаў. Журналістак абвінавацілі ў тым, што яны нібыта бралі актыўны ўдзел у «групавых дзеяннях, што груба парушаюць грамадскі парадак», і нават кіравалі імі, што пацягнула за сабою парушэнне працы грамадскага транспарту.
МГ belsat.eu
