Цягам 17 сакавіка расейская армія ўчыніла ракетныя атакі на два гарады Сумскай вобласці – Канатоп і Сумы.
Як паведамляе Сумская абласная вайсковая адміністрацыя, у Сумах і Канатопе былі пашкоджаны абʼекты цывільнай інфраструктуры. Паводле папярэдняй інфармацыі, пацярпелых у абодвух выпадках не было.
Мясцовыя ўлады не ўдакладняюць, якія канкрэтна абʼекты трапілі пад удар.
Раней Паветраныя сілы ЗСУ папярэджвалі аб актыўнасці расейскай тактычнай авіяцыі на паўночна-ўсходнім напрамку і пагрозе выкарыстання авіяцыйных ракетаў.
Глеб Нержын belsat.eu