525 дзён працягваецца ў Беларусі палітычны крызіс. Грамадства патрабуе адстаўкі Лукашэнкі, пакарання вінаватых у гвалце і фальсіфікацыях. Улады на гэта адказваюць тэрорам. «Белсат» падводзіць вынікі дня.
У Менску судзяць Аляксандра Івуліна
У судзе Савецкага раёну Менску 17 студзеня пачалі разбіраць крымінальную справу (ч. 1 арт. 342 КК), распачатую супраць спартовага журналіста і футбаліста ФК «Крумкачы» Аляксандра Івуліна. Справу разглядае суддзя Сяргей Шаціла. «Белсат» сачыў за працэсам, які працягнецца 18 студзеня.
У Беларусі расейскія вайскоўцы
У Беларусі заўважылі расейскіх вайскоўцаў. Прыбыццё тэхнікі і салдат абумоўлена вучэннямі «Саюзная рашучасць», першы этап вучэнняў прадугледжвае правяранне сіл рэагавання, піша БелТА.
Бабарыка распавёў, як сустрэў Новы год за кратамі
Палітвязень Віктар Бабарыка сустрэў другі Новы год у няволі. Як прайшлі святы, вязень напісаў сваёй дачцэ Марыі, піша штаб палітыка.
Адукацыйны праект для дзяцей-беларусаў па ўсім свеце
З ініцыятывы Офісу Святланы Ціханоўскай рыхтуецца адукацыйны праект для дзяцей-беларусаў па ўсім свеце. Старт праекту чакаецца ўжо гэтаю вясной. Дарадца Святланы Ціханоўскай у пытаннях адукацыі і навукі Таццяна Шчытцова распавяла нам, як ідзе падрыхтоўка і хто зможа паўдзельнічаць у навучанні маленькіх беларусаў.
Лукашэнка не паляціць на Алімпіяду ў Пекін
У зімовых Алімпійскіх гульнях ад Беларусі маюць узяць удзел 28 атлетаў у шасці відах спорту: 10 біятланістаў, 6 фрыстайлістаў, 5 канькабежцаў, 4 лыжныя бегуны, 2 фігурысты і адна горная лыжніца.
З якой зброяй сілавікі ваявалі з беларусамі
Праваабаронцы Міжнароднай федэрацыі за правы чалавека (FIDH) не толькі сабралі сведчанні аб незаконным ужыванні зброі беларускімі сілавікамі, але і зрабілі агляд магчымых паставак зброі сілавікам і шляхоў прыцягнення пастаўляльнікаў да адказнасці.
«Белтэлекам» атрымаў ліцэнзію на сотавую сувязь
Дзяржаўны інтэрнэт-правайдар цяпер зможа аказваць і паслугі мабільнай сувязі паводле тэхналогіі LTE (4G). Што з інфраструктурай для 2G і 3G, невядома, але навіна з’явілася на тле «наезду» дзяржавы на аператара «А1».
Палітвязня Дзмітрыя Мішакоўскага змясцілі ў ШІЗА
Дзмітрый Мішакоўскі на мінулым тыдні ўчыніў спробу самагубства ў Следчым ізалятары № 1. Яму выпісвалі антыдэпрэсанты, бо ў яго пагаршаўся зрок і не было магчымасці паправіць гэта. Ды пасля спробы суіцыду яму «дапамаглі» накіраваннем у штрафны ізалятар на 10 дзён.
«Звяно» ліквідуюць за «дыскрэдытоўную і экстрэмісцкую дзейнасць»
Грамадскае аб’яднанне вядомае правядзеннем кінафестывалю «Watch Docs», фотавыставай пра барацьбу медыкаў з каронавірусам, праграмамі рэабілітацыі былых зняволеных і дапамогай адзінокім бацькам-алкаголікам.
СК belsat.eu
