Дыпламатка пакінула пасаду адмысловага амбасадара ЗША ў Беларусі, так і не атрымаўшы дазволу на ўезд у краіну.
Маргарыта Ляўчук выклала гэты здымак у сваім Instagram і напісала:
«Мы дамовіліся з ёю сустрэцца ў новай Беларусі, ды так яно і будзе».
У лютым 2020 года стала вядома, што Джулі Фішэр можа стаць амбасадарам ЗША ў Беларусі. 15 снежня 2020 года Сенат ЗША аднагалосна зацвердзіў кандыдатуру амерыканскай дыпламаткі Джулі Фішэр на пасаду новага амбасадара ў Менску. 22 снежня Камітэт міжнародных справаў амерыканскага Сенату зацвердзіў Джулі Фішэр у якасці амбасадара. 23 снежня 2020 года Дзяржаўны дэпартамент ЗША паведаміў, што Джулі Фішэр склала прысягу ў якасці амерыканскага амбасадара ў Менску.
18 красавіка 2021 года амбасадарка ЗША ў Беларусі Джулі Фішэр распавяла ў эфіры радыё «Kera news» пра немагчымасць прыехаць у Беларусь праз тое, што ўлады не выдаюць ёй візы. Амерыканка так і не трапіла ў краіну, куды была прызначаная амбасадаркаю.
Марыя Мурашка belsat.eu
